“Ons is baie dankbaar vir mense soos Hannetjie wat van die begin af in ons geglo het en ons ondersteun het,” het Dolf Lombard, mede-eienaar van BreedeNet, tydens die oorhandiging gesê. 

BreedeNet het sy eerste kliënt begin diens in die middel van 2005 en kort voor lank het die kliëntetal gestyg tot sewentig. Die areas wat eerste bedien is, was Worcester, De Doorns, Breërivier, Rawsonville, Overhex, Scherpenheuwel, Eilandia, Le Chasseur en Ro-bertson. Kort hierna het mense in aangrensende areas BreedeNet genader en in die volgende twee jaar het die onderneming uitgebrei na Bonnievale, McGregor, Montagu, Koo en Keisie, Moddergat, Wolseley, Tulbagh, Witzenberg, Stettyn, Villiersdorp en Vyeboom. Aan die einde van 2007 was die kliëntetal al meer as 650! 

Die afgelope 15 maande het BreedeNet begin om die groter Ceres-area te bedien tot so ver as die Ceres-Karoo. Grabouw is ook toegevoeg nadat ’n bestaande netwerk oorgeneem is. Die begin van BreedeNet was ’n groot leerskool. Talle kere het bobbejane torings beskadig. Die genadelose wind van die Breëriviervallei het menige mas beskadig en die sneeu was ook ’n groot uitdaging. Die meeste van die torings is die afgelope jaar reggemaak en opgegradeer om natuur¬en elektro-niese foute tot die minimum te beperk. 

Lisensiëring van die Wireless¬internetbedryf het nie tred gehou met die spoed van ontwikkeling nie en dus was dié bedryf aan die begin grootliks onwettig.  Dit was moontlik om ’n Value Added Network Services (VANS)¬lisensie te kry om internet te bedien, maar daar het nie ’n lisensie bestaan vir Wireless¬netwerke nie. Intussen het die hof beslis dat VANS¬lisensies opgegradeer moet word na Individual Electronic Network (IECNS)¬en Electronic Communication Service (IECS)¬lisensies. Dit stel lisensiehouers in staat om hul eie netwerk landswyd te ontwikkel. Dit was ’n groot dag vir alle Suid¬Afrikaners, want dit beteken dat die monopolie van die groot rolspeler grootliks verbreek is en kleiner besighede soos BreedeNet vrylik kan kompeteer. Kompetisie is ’n teken van ’n goeie demokrasie en nou het Suid¬Afrikaners meer keuses in internetverskaffers. “Ons het hard gewerk om die besigheid op te bou en te baklei sodat die bedryf volledig wettig raak. “Ons is dus baie opgewonde oor die nuwe lisensie,” sê Lombard. BreedeNet is die enigste Wirelessinternetdiensverskafferin Worcester wat so ’n lisensie het.

BreedeNet het die afgelope paar maande baie in die bestaande infrastruktuur belê om nog beter diens te lewer en sal volhou om torings op te gradeer soos nuwe tegnologie beskikbaar raak. Nuwe produkte en dienste is ook baie belangrik vir BreedeNet. Die opgegradeerde netwerk kan nou maklik Voice over Internet Protocol (VOIP) hanteer, wat goedkoper telefoondienste beteken.

Mense raak toenemend ontslae van Telkomlyne met BreedeNet wat VOIPdienste implementeer.