IN die inligtingsera waarin ons onself vandag bevind, het die internet ’n onontbeerlike deel van mense se lewens geword.Daarom is die dienste van ondernemings soos BreedeNet, die Breedevallei se voorste verskaffer van draadlose (”wireless”) internetdienste, so waardevol vir die persoon wat suksesvol wil wees.

BreedeNet is ’n draadlose-internetmaatskappy wat drie jaar gelede deur Dolf Lombard en sy span gestig is toe hulle die behoefte aan vinnige internettoegang in die Vallei raakgesien het. Met innoverende denke en harde werk, het hulle die grootste draadlose-internetnetwerk in die Vallei op die been gebring. Dit het die begin van bekostigbare internetdienste teen die vinnigste spoed tot in die mees afgeleë areas ingelui.

Wat BreedeNet van ander onderskei, is die feit dat Breedenet deur die kliënt se behoeftes gedrewe is en nog steeds rondom die kliënt se behoeftes uitbrei.
Om probleme op te los is een van die prioriteite van hierdie toegewyde span. In hierdie opsig is BreedeNet se produk veral voordelig vir ondernemings, aangesien spesifieke behoeftes aangespreek kan word,  soos byvoorbeeld om verskillende takke te koppel, of waar gastehuise byvoorbeeld van ’n “Hotspot”-netwerk gebruik wil maak. Kliënte wat die internet vir hulle wil sien wérk, kan dus hiervoor op BreedeNet se dienste staatmaak. So het die tydskrif Landbouweekblad onlangs selfs ’n artikel gedra waarin die impak van BreedeNet op die plaaslike landbousektor bespreek word. Nog iets wat die onderneming bo ander laat uitstaan, is dat geen van hul draadloseinternet-pakkette beperkings op spoed het nie. Kliënte kry die vinnigste beskikbare internettoegang in Suid-Afrika (tans tot 4mbps) wanneer selfs die mees basiese pakket gekoop word. Dit maak dat BreedeNet een van die goedkoopste internetverskaffers in die land as die spoed tot koste-verhouding per megagreep in ag geneem word.

Die onderneming het onlangs ’n nuwe kenteken bekendgestel om ’n nuwe era vir hom en sy kliënte te verteenwoordig, om produkte en dienste verder uit te brei en te verbeter en om ’n groter rol in die ontwikkeling van die streek te speel. BreedeNet is egter meer as net ’n internetverskaffer. Dit streef daarna om meer produkte en dienste tot voordeel van die Breedevallei-gemeenskap in te faseer. Twee onlangse dienste wat bekendgestel is, is ’n portaalblad, breede.co.za, vir die Breedevallei, asook info.breede.co.za, ‘n sakegids vir die Vallei. Hoewel dié twee dienste nog nuut is, is die potensiaal enorm vir toerisme en alle besigheid. Hierdie inisiatiewe benodig die betrokkenheid van die gemeenskap om te kan werk.

* BreedeNet lewer dienste in ’n groot geografiese area: Witzenberg, Tulbagh, Wolseley, Breërivier, Slanghoek, Rawsonville, Worcester, De Doorns, Robertson, McGregor, Bonnievale, Montagu, die Koo, Villiersdorp, Grabouw en Caledon.
Vir meer inligting, besoek www.breedenet.co.za of skakel 023 342 2221.